69. In Dominicis

post Pentecosten.

1 a. Adest dies recolenda
mirandis prodigiis,
Data nobis, veneranda
devotis obsequiis.

1b. Haec dierum prima dies,
in qua orbis conditur,
Postquam pater protoplaustus
ex culpa dejicitur.

2 a. Quem reparans Deus lapsum
hac die progreditur.
De virgine factus homo
redemptor producitur.

2 b. Tu resurgis in hac die,
leo de tribu Juda,
Ut surgamus a peccatis,
ipse nobis condona.

3 a. In hac die commutatur
Judaismi sabbatum,
In qua misit Deus pater
aeternum paraclitum.

3 b. Est septena ista dies,
quae jubet a vitiis
Cessare et exsultare
divinis tripudiis.

4 a, Laxa culpas septenares,
quibus te offendimus,
Qui septenum festivamus
ipsis obsequentibus.

4b. Emitte de tua sede

septem dona spiritus,
Post septenum vitae nostrae
junge nos coelestibus.