70. Pro evitanda mortalitate.

la. Gratulemur, salvatorem
Collaudantes creatorem
Dulci cum symphonia,

1b. Collaetemur ritu morum
Veneremurque sanctorum
Gaudentes praeconia.

2 a, Christophori, Adriani
Nec non et Sebastiani
Praecipue laudibus,

2b. Ut nos hostis arte cani,
Mundi gloria inani

Spretis juvent precibus.

3 a. Chorus totus angelorum,
Qui secutus est coelorum
Regem ab initio,

3 b. Conventus apostolorum
Martyrumque, confessorum
Virginumque concio.

4 a. Ordo archangelorum,
Potestates superorum
Hymnis cum virtutibus,

4 b, Hierarchiae supernorum
Regis cum matre, regnorum
Almis quoque coetibus;

5 a. Suffragia monachorum
Vincla solvant delictorum
Mellifluo carmine.

5 b. Hinc caelibes eremitae
Nostrae tergant noxas vitae
Decenti precamine.

6 a. Ut ovantes mereamur
Obtinere, quod precamur
Dei dono sratiae,

6 b. Morte servet repentina,
Ne nos laedat serpentina
Bestia malitiae.

7 a. Pro epidemiae peste
Forti nos circumda veste,
Ne quidquam premat moleste
Corpus laesum crimine,

7 b. Animas ornans virtute,

Dignae quod sint hae salute
Te, rex Christe, consecutae
Sempiterno lumine.

8 a. Humanam namque naturam
Tuam formans ad figuram
Vitam praebes duraturam
In coelesti curia.

8 b. Misertus hinc creaturae
Tuae subis sepulturae
Mortis jura passus durae
Tormenta ner varia.

9 a. Precantes audi benignus,
Te condecet dulcis hymnus,
Preces nostras sume dignus,
Ne nos praedo Baratrinus
Torqueat supplicio.

9b. Mundi cerne nunc precatus

Ejus delendo reatus,

Ut in fine trabeatus,

Astris tuis laureatus

Splendeat judicio.