72. Ad postulandam serenitatem.

la. Summe Deus omnium,
Arvi, poli, marium,
Plebem tuam respice:

1b. Salus es humilium
Ad te suspirantium,
Nos clementer refice.

2 a. Stellas coeli numeras,
Orbem terrae ponderas
Tua sapientia ;

2 b. Elementa temperas,
Mari, ventis imperas
Propria potentia.

3 a. Infers terrae pluviam
Tibi voluntariam

Orbis tenens cardines:

3 b. Per tuam potentiam
Aufer nunc inopiam,
Rege cunctos ordines.

4 a. Solis prodis radios,
Auges fructus proprios
Ex quocunque semine;

4 b. Pasce tuos filios,
Fac eos egregios
Mystico spiramine.

5 a. Nostra solve scelera,
Fove mentis viscera,
Redemptor fidelium;

5 b. Praesta pacis foedera
Et in vitae vespera
Des nobis remedium.