73. De Captione Jerusalem.

la. Exsultent agmina
fidelium cuncta
laudes Deo canentia,

1b. Cujus sunt opera
semper magnifica
per ampla mundi spatia.

2 a. Voce celsa,

mente simul defaecata,
recolamus gaudia,
quae nobis anni orbita
reducit celeberrima.

2 b. Cum civitas

Jerusalem gloriosa
effecta est libera,
quae Sarracenis fuerat
tamdiu tributaria.

3a. Hinc Francorum

pangamus gesta fortia,
quorum probitate

sic est liberata
sub Domini potentia.

3 b. Laetetur ergo

Christianis reddita,
quibus congaudet,

residens sede sua
jam imperat ut domina.

4 a. Cui tota Francia
jam flectit genua
nec non Italia.

4 b. Jmnjamque Graecia
fert ei munera
nec non Arabia.

5 a. Mesopotamia,
Aegyptus, Africa
regnaque cetera
transeunt sub ea.

5 b. Damascus, Ascalon,
Joppe cum Accaron,
Tyrus atque Sidon
mittunt ei dona.

6. Cujus agentes festa
Jerusalem in superna
perfruamur gloria.