76. In Sanctificatione BMV.

la. Ave, porta semper clausa,
Primae causae stupens causa,
Virgo, parens, filia.

1b. Rubus, virga, templum Dei,
Qui te mundat, vellus ei
Album super lilia.

2 a. Tota postquam es completa,
Celsa luce fis repleta
Instar tabernaculi.

2b. Tantum habens intellectum
Es nam gratae subjectum
Sicut et piaculi.

3 a. Unde, quamvis visa mater
Ab aeterno sis, te pater
Nunc purgat a crimine,

3 b. Omnis homo namque secum
Trahit culpam nascens tecum
Ex virili semine.

4 a. Plus quam Christus potuisset
Ut tu satus qui fuisset,
Hac labe non illitus:

4b. Hic nam culpae nullo modo
Esse quivit absque nodo,
Aliter ni genitus.

5 a. Augustinus hoc testatur,
Patris magni roboratur
Ambrosii veritas:

5 b. Christi quoque carni purae
Carnis dicit creaturae
Hinc aequatur puritas.

6 a. Unde judex immortalis
Dirior fit quam mortalis,
Dum insontes perimit,

6 b. Sic non justus aut non valens
Aut ignarus cuncta calens
Est nec matrem redimit.

7 a. Ut sit ergo tuus natus
Potens, justus, occulatus,
Matrem purgat hodie ;

7 b. Tale confert atque munus,.
Sit viator ut nec unus
Aequalis munditiae.

8 a. Cedunt primi jam parentes,
Cedunt senes et lactentes,
Cedunt angeli potentes
Donum Dei perdere.

8 b. Tu peccatum actuale,
Veniale et mortale
Perpetrasti nunquam, male
Poteras nec agere.

9 a. Unde licet ventre sati
Duo sint sanctificati,
Minus quam tu vel mundati
Serius quam resonant:

9 b. Ipsi namque potuerunt
Et de facto peccaverunt,
Leviter tamen, ut ferunt,
Qui te sanctam personant.

10 a. Pulchra nimis ad profectum
Ad eorum qui perspectum
Te venissent, jam defectum
Nostram fugans, ad con-
spectum
Duc tuae nos gloriae.

10 b. Ut divina monarchia
Triplici cum hierarchia
Perfruentes voce pia
Collaudemus, O Maria,

Tantae donum gratiae.