78. De Conceptione BMV.

1. Festum Mariae venerantes

hac die jugiter psallentes.

2 a. Audi, virgo pura,

sancta antequam nata.

21). Christianam plebem

Te collaudantem defensa.

3 a. Tuum conceptum praeclarum

praeservatum et sanctum

3 b. Laudant et probant scripturae

atque dicta doctorum.

4 a. Quorum de grege

sacer Anselmus

commendat primus tuam

conceptionem:

4 b. Ecce post natum

hanc genitricem

majore puritate

relucentem.

5 a. Devotus Bernhardus

protestatur immunem

matrem virginem dicens:

5 b. Quare castae matris

ex Adam quae suscepta

Adae maculas non sensit.

6 a. Augustinus

de illa sic inquit:

de peccatis

cum loqui contigit,

de sancta Maria

nullam penitus

habeas quaestionem.

6b. Tolosanus

archiepiscopus

Hildefonsus,

Mariae dilectus,

post gratum tractatum

accepit hujus

festi commissionem.

7 a. Haec sunt eloquia,

quae tibi placent,

mater et virgo Maria.

7 b. Mundam suscipere

verbo placuit

carnem ex te, mundissima.

8 a. Scoti, Guidonis,

Thomae, Richardi asseritur

id ratione

8 b. Ambrosiique

Jeronymi, Cyrilli claret

probatione.

9 a. Sacerdotem

tibi gratum

liberasti

turbine submersum

9 b. Et clericum

subarrhatum

revocasti

laudibus intentum.

10 a. Tu Eelsinum Anglicum

in mari auxilium

ad portum salutis

transtulisti

laetante patria;

10 b. Post sacrum concilium

Basileense

conceptum Mariae

sollemnizat

magna laetitia.

11a. Ecclesia Komana

approbat,

confirmat

hoc festum sic

celebrandum.

11b. Ordo Minorum supplex

laudibus

frequentat

Dei templum

venerandum.

12. Regina coeli

divina,

nos loca,

ubi nunc es cum filio

in coelesti solio.

Amen.