Congregatio de Causis Sanctorum 477

ACTA CONGREGATIONUM

CONGREGATIO DE CAUSIS SANCTORUM

VERCELLENSIS

Beatificationis et Canonizationis Servi Dei Iacobi Abbondo Sacerdotis Dioecesani

(1720-1788)

DECRETUM SUPER VIRTUTIBUS

« Sacratissimum Cor meum Iesu, te humiliter adoro, te amo toto cor-

de meo. Sacratissimum Cor, quaesumus, peccatores converte. Ne sanguis

tuus pretiosissimus pro aliquo pereat, inflamma in cordibus omnium tuum

sanctum Amorem ».

Ecce verba orationis quam Servus Dei Iacobus Abbondo quotidie re-

citabat, signum devotionis ad Sanctissimum Cor Iesu et adspirationis ad

fiendum apostolum divinae misericordiae.

Hic Servus Dei natus est Salomini, quae est pars Tronzani Vercellen-

sis, die 27 mensis Augusti anni 1720. Primam educatio nem christianam et

culturalem a patruo sacerdote Ioanne accepit. Tronzani frequens auditor

fuit scholae primariae catholice inspiratae et scholae latinitatis sub influ-

xu theoriae iansenisticae. Ab anno 1735 frequentavit scholam secundariam

humanitatis, rethoricae et philosophiae in urbe Vercellensi. Deinde studiis

theologicis se dedit et officium praeceptoris filiorum comitis Cusani exercuit.

Ordinatus sacerdos fuit die 21 mensis Martii anno 1744. In litteris clas-

sicis laureatus est apud Universitatem Studiorum Tauri nensem. Electus

fuit professor humanitatis in scholis regiis Vercellarum. Multos per annos

fuit administer parochi Sancti Michaelis Vercellis. Speciali modo fuit di-

ligentissimus confrater Societatis Matris Boni Consilii et Societatis Sancti

Ioannis Decollati. Devotissimus Cordium Iesu et Mariae, fuit aestimabilis

pater spiritualis vocatorum ad vitam sacerdotalem et religiosam. Adiutor

spiritualis et temporalis captivorum et ad mortem damnatorum factus est.