484 Acta Apostolicae Sedis - Commentarium Officiale

in peius ire. Remedia applicabantur antiseptica, saepe saepius fasciae mu-

tabantur quae statim foetido pure imbuebantur. At gangraena nullo modo

recedebat sed cursum suum adeo prosequebatur ut crus fere totum invaderet

et gravibus infirmus doloribus cruciaretur, severissimam corporis functionum

iniquita tem pateretur, necnon febri et contractione diureseos afficeretur,

quae omnia medicis persuasere prognosin emittere infaustam quoad vitam.

His in adiunctis omnino incertis, filius quidam senis, sacerdos dioe-

cesanus, inviso patre nunc in commate posito, dum exspectabat ultima

sacramenta a parocho administrari, orationem convertit ad Dominum pos-

cens pro patris sanatione, interposita Venerabilis Servi Dei intercessione:

ipse enim noverat figuram Venerabilis quia quaedam eius amita fuerat ex

prioribus sororibus in Instituto ab eo condito. Nocte inter 11 et 12 dies

mensis Novembris anno 1939, statim ac emissae fuerant eae preces, inversio

propensionis effecta est: moribundus exiit e commate et parochi orationi se

coniunxit; postea processus narcoticus finem habuit, minuit fluxus puris,

carnes putridae evanuerunt et restitutio textorum sponte incepit. Func-

tiones physicae resumpserunt rhythmum consuetum, quin ullum damnum

appareret. Senex ille subito convaluerat, omnibus medicis et infirmariis qui

ei auxilio fuerant mirantibus; etiam varices evanuerunt.

Patet congruentia temporis et nexus inter invo cationem Venerabili Servo

Dei factam et sanationem vulnerati senis.

De hoc eventu, ut miraculum aestimato, Processus dioece sanus instructus

est a Curia Aturensi et Aquensi a die 21 mensis Octobris anno 1941 ad diem

3 mensis Februarii anno 1942, qui quidem resumptus est a Curia Baionensi

mense Septembri anno 2008, cuius auctoritas iuridica ab hac Congregatione

Decreto diei 28 mensis Ianuarii anno 2011 recognita est. Dicasterii Con-

sultum Medicum, in sessione diei 3 mensis Octobris anno 2013 recognovit

celerem, perfectam ac constantem sanationem, proinde inexplica bilem sub

luce scientiarum medicarum hodiernarum. Die 10 mensis Aprilis anno 2014

habitus est Congressus Peculiaris Consultorum Theologorum. Die 3 mensis

Iunii anni 2014 habita est Sessio Ordinaria Patrum Cardinalium et Episco-

porum, cui ego, Angelus Card. Amato, praefui. Et in utroque Coetu, sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata rela tione, Sanctitas Sua, vota