Congregatio de Causis Sanctorum 483

BAIONENSIS

Beatificationis et Canonizationis Ven. Servi Dei Ludovici-Eduardi Cestac Sacerdotis

Dioecesani Fundatoris Instituti Famularum Mariae (1801-1868)

DECRETUM SUPER MIRACULO

Venerabilis Servus Dei Ludovicus-Eduardus Cestac, Baionae in Gallia

natus, tertio aetatis anno insanabili neuralgia et mutismo percussus est.

His pathologiis sanatus, Mariam Virginem summa devotione semper pro-

secutus est. Cum Hispani Anglique Galliam invasissent annis 1813-1814,

familia eius in Altos Pyrenaeos confugit ubi Servus Dei primam Communio-

nem sumpsit variisque signis vocationis sacerdotalis monitus, seminarium

ingressus est atque, itinere formationis percurso, presbyterali ordine anno

1825 insignitus est. Magisterium functus est in difficillimis controversia rum

antiecclesialium adiunctis in quibus semper fidelis Romae permansit. Vitam

formamque dedit pluribus operibus magni mo menti, praecipue vero Filias

Mariae instituit puellis famulis spiri tualiter curandis, Opus Perseverantiae

pro adulescentulis, Circulos studiis fovendis pro iuvenibus, Opus Orphano-

rum Mariae pro pupillis derelictis et praesertim Sorores Famulas Mariae.

Canonicus Baionensis Cathedralis cooptatus aliquot post annos canonicatu

se abdicavit ut melius incumberet operibus suis. Adeo notandum est stu-

dium eius in ordine culturali, educativo, sociali ut publicam gratulationem

meruerit et honore « Légion d'honneur » a Gallorum Imperatore insignitus

sit. Vita functus est apud Anglet in Gallia die 27 mensis Martii anno 1868.

Pontifex Maximus Paulus VI, die 13 mensis Novembris anni 1976, Servum

Dei virtutes heroico gradu coluisse recognovit.

Beatificationis respectu, Postulatio Causae iudicio huius Congregationis

pro Causis Sanctorum permisit assertam sanationem viri senis qui, iam

undenonagenarius, mense Novembri anno 1939, dum in silva quadam apud

Labennam laboraret, offendit antliae epistomium atque profundum in crure

sinistro inferiori vulnus excepit, varicis cuiusdam proximitate valde peri-

culosum. Haemorra gia subsequens statim retenta est fascia a nuru posita.

Medicus autem, cum eum inviseret, nimia viri senectute timuit ne vulnus

in gangraenam citius verteret. Proximis diebus facile perspectum est et

diagnosim certam esse et condicionem generalem vulnerati pede temptim