480 Acta Apostolicae Sedis - Commentarium Officiale

TAURINENSIS

Beatificationis et Canonizationis Servi Dei Eugenii Reffo Sacerdotis Professi et

Confundatoris Congregationis S. Ioseph (1843-1925)

DECRETUM SUPER VIRTUTIBUS

« In omnibus Dei voluntatem perficere omnimodoque ».

Propositum personale hoc ac studium Servus Dei Eugenius Reffo in vitae

cursu suae perfecit. Qui pleno iure ad tempus aureum illud est pertinens quod,

saeculo XIX fere exeunte et saeculo XX ineunte, Taurinensi Ecclesiae et mundo

clara evangelicae fidelitatis et authenticae exempla praebuit sanctitatis.

Servus Dei die 2 mensis Ianuarii anno 1843, Augustae Tauri norum natus

est. Ibidem Fratres Scholarum Christianarum primum adiit deindeque Mas-

sae Iesuitarum Ephebei alumnus fuit. Ad suos regressus, duobusque annis

ad discretionem consumptis, sacerdo tium inire constituit. Die 27 mensis

Octobris anno 1861 vestem induit clericalem pauloque post, die 2 mensis

Novembris, in Collegium a Ioanne Cocchi Augustae Taurinorum constituto

ut vigil et praeceptor ingressus est. Seminarium Archidioecesanum alumnus

adiit externus ac Sacrae Theologiae cursu impleto, die 26 mensis Maii anno

1866 auctus est sacerdotio.

Mense Novembri eiusdem anni, sanctus Leonardus Murialdo Collegii

Opificum rector factus est. Iam tum per annos triginta quattuor usque ad

mortem Fundatoris, anno 1900, Servus Dei primus cooperator et consiliarius

fuit. Eugenius Reffo Congre gationem Sancti Ioseph (vulgo Giuseppini del

Muriado nuncupata) ut puerorum pauperum, parentibus orborum perdi-

torumque edu cationi certe caveretur ac auxilio, constitui firmissime voluit.

Cuius fundatio anno 1873, die 19 martii, in sacello Sancti Ioseph Collegii

Opificum Augustae Taurinorum celebrata est.

Dominus Murialdo Eugenio Reffo regulae, rationum aliorumque regula-

mentorum aptorum ad novi instituti identitatem spiritualem et apostolicam

divulgandam, redactionem commisit. Anno 1891 Servus Dei, cum Murialdo

tribusque fratribus profes sionem emisit perpetuam.

Eugenii Reffo proprium pastorale munus, etsi non unicum, ad iuvenes

fuit opifices. Ab anno 1869 diarium L'Unità Cattolica redegit; ab anno

autem 1895 primi Italici catholici folii, La Voce dell'Operaio, ad classem