82. In Praesentatione BMV.

1. Salve regina,
pia virgo, divina
gratia fecunda,
puritate salva.

2 a. Salvatoris mater,
quam sibi pater
divus elegerit
et te solam verbigenam
prae cunctis mundi
praedestinavit.

2 b. Soror, sponsa Dei,
tu facta regi
mater et filia,
qui te divis prae ceteris
donis infinitus
praedotavit.

3 a. Te praeservavit,

maculam ne attingeres
nascitura,
transiens mundum
hunc lubricum
via impolluta.

3 b. Te praeparavit,

ut digna mater fieres

paritura

divinis Deum

et hominem

miris involuta.

4 a. Ad haec devotam
ratione fruentem
praesentari
te in templo petisti,
praeacta Domino vota
complevisti.

4 b. Tu ferens totam

te gradibus quindecim
ad altare
holocausti venisti,
scandere te cogit amor,
quo languisti.

5 a. Hi sunt quindecim
gradus virtutum,
sequi velis virginem
te tutum,
his proficisci
facto studeas,
quibus et praemonstrabat
viam salutis
tibi posse aggredi
sic scandentem
introducentem
in futuram patriam.

5 b. Humilitatem,
mansuetudinem
fortitudo, pietas
sequatur,
magnanimitas
sobrietatem,
paupertas castitatem
et veritatem
justam patientia;
da spem, virgo,
caritatemque,
fidem, diligentiam.

6 a. Tu a coelesti
pigmentario
area virtutum
ornata,

vernans speciosis
floribus amoenis,
quibus replere
te domum vere
Domini gloriamur.

6 b. Floribus multis
quae placuisti
sponsa creatori,
placere

Christo redemptori
fac nos et praeserva
nunc a proterva
antiqui hostis
fraude, te dreprecamur.

7 a. Impetra nobis gaudia
coelica post labores.

7 b. Sana nos, pia Maria,
hujus vitae post dolores.

8 a. Da vitam veram ingredi,
nos sempiterno saeculo
fructus colligere,

8 b. Quo mente pura perfrui
des trinitatis speculo,
nunquam deficere.

9. Unigenitum tuum
placabilem
placa, virgo,
ut sic obtinere
pro tuis petita valeas
precibus commendatis.

S3. In Annuntiatione BMV.
1. Sancta virgo,

2 a. Dei mater Maria
unigeniti,

2 b. Coeli, terrae regina,
sola domina.

3 a. Ad te Gabriel
missus erat
patris Dei munere:

3 b. Ave, Maria,
omnipotens
semper tecum, virgo.

4 a. Ne quid timeas,
patri carissima,

4 b. Sancti spiritus
protecta umbraculo

5 a. Paries coelorum regem,
Messiam dominum.

5 b. Ora nunc pro populorum
salute instanter,

6 a. Et pro filiis,
fonte baptismatis
sacro ut salventur,

6b. Et pro famulis
tuis hoc in loco
deprecantibus,

7. Cunctos Jesus ut salvet.