85. In Annuntiatione BMV.

la. Salve, templum maternale,
In quod verbum patemale
Venit de coelestibus,

1b. Hoc gestavit, hoc tractavit,
Hoc induit nata David
Virgineis visceribus.

2 a. Coeli majus luminare
Venerat illuminare
Terrenam caliginem,

2 b. Sacro flatu operante
Virgo tulit post et ante
Salutis originem.

3 a. Coelo latior virtute
Dei germinavit tute
Virgo suum filium,

3 b. Paratior largitate
Donorum varietate
Cunctis fert auxilium.

4 a. Adiit ex gyro sedis
Mentem puellarum aedis
Coetorum verus haeres,

4b. In sigillo trinitatis
Mariae virginitatis
Impressit characteres.

5 a. Aurem pulsat virginis
Arcanum originis
Divinae, mysterium,
Quod per ministerium
Dignum revelavit.

5 b. Regali palatio
Verae legis latio
Fudit, undam gratiae.
Per quam pulchra facie
Nos a delictis lavit.

6 a. Virus fugavit letale,
Quando corpus virginale
Virtus fovit fidei,

6b. Quantum stupet et miratur
Maria, dum pergyratur
Annulo vivi Dei.

7 a. Qui natura gemina
In puella tenera
Dulciter quievit.

7 b. Sic, Eva quam abstulit,
Ista vitam attulit
Mortemque delevit.

8 a, O altum consilium,
Quod de coelis filium
-Ad terras direxit:

8 b. Illum in laetitia
Tua pudicitia
Humilis allexit.

9 a. Sic decebat incarnari
Per matrem et humanari
Regem regum dominum,

9 b. Qui in coelis sine matre
Et in terris sine patre,
Salvator est hominum.

10 a. Ave, gemma mulierum,
Tu solaris lux dierum,
Sceptrum regis regium,

10 b. Peperisti Deum verum,
Cui das et cor sincerum
Amoris privilegium.

11a. O dulcedo virginalis,

Nunquam fuit nec est talis
Visa tibi similis,

11b. Te dulcore sacri flatus
Cujus irroravit natus.
Dei parens humilis.

12 a. Dic: Mi nate, recordare,
Quod merebar te portare
Meis in visceribus,

12 b. Cum sis natus, ego mater,
Ergo clemens esto pater
Hominum sceleribus.