88. In Annuntiatione BMV.

la. Paranymphus

salutat virginem

1b. Novi partus

adsignans ordinem.

2 a. En, inquit, concipies
Parvulumque paries
Nec pudoris senties
Laesionem.

2 b. Jam praeventa gratia
Sed de modo dubia
Quaerit rei nescia
Eationem.

3 a. O Maria, ne formides,
Praebe fidem, quia fides
Potens in hoc opere.

3 b. O Maria, sis secura,
Nutu Dei paritura
Sine viri foedere.

4 a. Verbum carni jungitur
Virginis in utero,
Nec natura tollitur
Unius ab altero.

ib. O miranda novitas,
O mira dignatio,
Quod contracta deitas
Jacet in praesepio.

5 a. O puer sapiens,
O verbum vagiens,
O majestas humilis,

5 b. Nos juva, nos rege,
Nos verbo protege,
Nobis carne similis.

6 a. O Maria, mater Dei,
Spe respirant in te rei,
Tu post Christum nostrae spei
Fiducia.

6 b. Jesu pie, Jesu fortis,

Jesu nostrae dux cohortis,
Fac nos esse tuae sortis
In gloria

8. Tuae matris gratia.