486 Acta Apostolicae Sedis - Commentarium Officiale

VESTMONASTERIENSIS

Beatificationis et Canonizationis Servae Dei Magdalenae a Sacro Corde (in sae-

culo: Franciscae Margaritae Taylor) Fundatricis Pauperum Ancillarum Matris

Dei (1832-1900)

DECRETUM SUPER VIRTUTIBUS

« Discite a me, quia mitis sum et humilis corde » ( Mt 11, 29).

Vera Divini Magistri discipula, Famula Dei Magdalena a Sacro Corde

(in saeculo: Francisca Margarita Taylor) perfectionis iter ab Eo didicit et

ad inexhaustum fontem Eius Cordis gratiam traxit ut semitas Dei usque

ad finem percurreret.

Serva Dei nata est die 20 mensis Ianuarii anno 1832 in oppido vulgo

nuncupato Stoke Rochford, in Anglica regione Lincolnshire dicta, ultima

decem filiorum ex familia professionis Anglicanae fidei, et ei ad fontem

baptismalem nomen Franciscae Margaritae datum fuit. Eius pater, pastor

communitatis eiusdem loci, diem extremum clausit dum Famula Dei pueri-

lem aetatem agebat. Post hoc tragicum eventum, familia Taylor in civitatem

Kensington prope Londinium se transtulit.

Magna inopia ac angustiae sociales, quae in illo tempore civitatem Lon-

dinium vexabant, magnopere eam perturbaverunt: iuvenis magnae sensibili-

tatis, Francisca Margarita animadvertit se vocatam esse ad vitam in favorem

pauperum consecraturam. Ad hunc finem, iuvenis Serva Dei scholasticam

institutionem auxit et se paravit ut ministram aegrorum fieret, scholam va-

letudinariam civitatis Bristol frequentans. Interea eius religiosa experientia

magis magisque fortior deveniebat, appropinquans ad monialium Anglica-

narum communitatem, ubi duae eius sorores iam vivebant.

Anno 1853 missa fuit cum munere aegrorum auxiliatricis in civitatem

Plymouth, ut valetudini infirmorum colerosorum assideret. Ipso tempore in

Anglica insula motus vulgo dictus « Oxford movement » se propagabat, a Beato

Ioanne Henrico Newman princi paliter animatus. Famula Dei cum praedicto

motu Oxfordiensi se coniunxit et frequentem correspondentiam epistularem

habuit et cum Newman et cum aliis eiusdem motus repraesentantibus. Sed in

ipso anno 1853 Anglia cum aliis Europaeis potentatibus bellum iniit contra

Russiam ad Imperium Turcicum adiuvandum ac defenden dum: Francisca