90. De Visitatione BMV.

la. Ave, praegnans admiranda,

Virgo Deum generanda,

Fecunda paraclito ;

1b. Ave, porta semper clausa,
Domus, ubi placet pausa
Regi regum inclito.

2 a. Ave, cella,
Fluens mella
Odore dulcedinis,

2 b. Ave, luna,
Soli una,

Summi plena luminis.

3 a. Ave, virgo decora,
Summi solis aurora
Exiens a Nazareth.

3b. Ave, dulcis fontana,
Diffusa per montana,
Salutans Elisabeth.

4 a. Ave, cujus vox salutis
Sonitum plenum virtutis
Jubilo manifestat.

4b. Ave sole nunc amicta,
A sterili benedicta,

Quae praecursorem gestat.

5 a. Ave, tuba

Deum magnificans,

5 b. Ave, lyra

summum laetificans.

6 a. O quam sunt felices
Matres et nutrices
Horum infantium,

6 b. Junguntur uteri
Matrum et pueri
Se salutantium.

7 a. O quam suavis amplexus
Matrum, quarum idem nexus
Conjungit et filios,

7 b. Quorum unus est salvator,

Alter verbi praedicator

Docens ore alios.

8 a. O vox lactantis Mariae,
Cum Johanne Zachariae
Excita nos in jubilum

8 b. Et cum ipso mundi a vae
Nos attrahe in sueve

Verbum carnis per nubilum.

9. O Maria, ventris tui
Fructu fac nos hic perfrui
Et in paradisi domo ;
Amen dicat omnis homo.