488 Acta Apostolicae Sedis - Commentarium Officiale

Famula Dei, quae ex plurimis annis pulmonum inflatione excru ciabatur, Londinii die nona mensis Iunii anno 1900 in Domino obiit. Memoria eius numquam discedit inter christimoniales ab ea fun datas et in regionibus in quibus ipsae proprium apostolatum exercebant. Annis sequentibus etiam nonnul- lae editiones librorum incre mentum dederunt ad famam sanctitatis propagandam et ad spiri tualitatem ac religiositatem eiusdem insignis mulieris pervulgandam.

Hanc igitur ob sanctitatis famam, apud curiam ecclesiasticam Vestmo- nasteriensem ab anno 1996 usque ad annum 2005 Inquisitio dioecesana in tribus temporibus celebrata est, cuius auctoritas et vis iuridica a Congre- gatione de Causis Sanctorum Decreto diei 26 mensis Novembris anno 2005 probatae sunt. Positione confecta, disceptatum est, iuxta consuetudinem, an Serva Dei more heroum virtutes christianas exercuisset. Die 26 mensis Februarii anno 2013 Congressus Peculiaris Consultorum Historicorum factus est, deinde die 20 mensis Ianuarii anno 2014 in Congressu Peculiari Consul torum Theologorum prospero cum exitu. Patres Cardinales et Episcopi in Sessione Ordinaria diei 20 mensis Maii anno 2014, me praesidente, Cardinali Angelo Amato, professi sunt Famulam Dei virtutes theologales, cardinales iisque adnexas in modum heroum coluisse.

Facta demum de hisce omnibus rebus Summo Pontifici Francisco per subscriptum Cardinalem Praefectum accurata relatio ne, Sanctitas Sua, vota Con- gregationis de Causis Sanctorum excipiens rataque habens, hodierno die decla- ravit: Constare de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iustitia, Temperantia

et Fortitu dine, iisque adnexis, in gradu heroico, Servae Dei Magdalenae a

Sacro Corde (in saec.: Franciscae Margaritae Taylor), Fundatricis Pauperum

Ancillarum Matris Dei, in casu et ad effectum de quo agitur. Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit. Datum Romae, die 12 mensis Iunii a.D. 2014.

angelus card. amato, s.d.B. Praefectus

L. G S.

G marcellus Bartolucci

Archiep. tit. Mevaniensis, a Secretis