91. De Visitatione BMV.

la. Deum Jesu Christi patrem
Et Mariam ejus matrem
Laeta nunc ecclesia

1b. Festa laude veneratur,
Dum Johannis matri datur
Mariae praesentia.

2 a. Ab excelso trinitatis
Verba defert novitatis
Paranymphus Gabriel,

2b. Verbo paret veritatis
Virgo, jubar claritatis,
Concipit Emmanuel.

3 a. Kem grandis miraculi,
Nobilis spectaculi,
Vide declarari ;

3 b. Coelis quae sublimior,
Inde fit humilior,
Vadit famulari.

4 a. Praegnans virgo non humana
Virgo surgens in montana
Festinanter abiit,

4b. Et in domum Zachariae
Praecursoris matrem pie
Salutans introiit.

5 a. Dum Maria salutare
Verbum dedit, exsultare
Coepit infans nimium:

5 b. Lumen adhuc occultatum
Reveretur, incarnatum
Verbum patris omnium.

6 a. O quam pium fert amorem
Superans omnem dulcorem
Virginis praesentia,

6b. Sese matres amplexantur.

Per salutes revelantur

Salutis mysteria.

7 a. Ex medullis animae
Canticum laetitiae
Decantavit Maria,

7 b. Exsultavit spiritus.
Exaltatur Dominus
Dulci cum melodia.

8 a. Manens domo Zachariae
Per tres menses servit pie
Maria Elisabeth,

8 b. Famulatu quo completo
Virgo mater corde laeto
Rediit in Nazareth.

9 a. Laudes ergo mirifice
Mariae permagnifice
Vox amoena

9 b. Psallat, ejus praeconia
Laudans petat suffragia
Plebs egena.

10 a. Et tu coeli regione,

Virgo mater prolis bonae,
Clementer expostula,

10 b. In conspectu summi regis
Professores sacrae legis
Keguare per saecula.