96. De Compassione BMV.

la. Ave, virgo, stella maris,
Septem horis his laudaris,
Laudans Jesum Maria.

1b. Ave, nascens consecraris,
Sacro verbo fecundans,
Laudans Jesum Maria.

2 a. Ave, nocte solem paris,
Votis, donis veneraris,
Lactans Jesum Maria.

2 b. Ave, laudes offers Christi.
Circumcisum obtulisti,
Fugans Jesum Maria.

3 a. Ave, prolem invenisti,

Post baptismum supplevisti
Vinum Jesu, Maria.

3 b. Ave, mira cognovisti,

Coena facta captum scisti,
Caesum Jesum, Maria.

4 a. Ave, natum ter negatum
Fles, prolatum, exprobratum
Mane Jesum, Maria.

4b. Ave, latum ad Pilatum,
Hinc delatum scis relatum,
Spretum Jesum, Maria.

5 a. Ave, gratum reprobatum,
Accusatum, flagellatum,
Plangis Jesum, Maria.

5 b. Ave, sertum fert acutum
Hora tertia, consutum
Spinis Jesus, Maria.

6 a. Ave, sacrum os consputum,
Sputo, luto delibutum,
Pallet Jesus, Maria.

6 b. Ave, sanctum impollutunr
Crucifige vulgus brutum
Clamat Jesum, Maria.

7 a. Ave, crucem specularis,
Hora ductum contemplaris
Sexta Jesum, Maria.

7 b. Ave, cruci conclavaris,
Telo truci confossaris
Corde Jesu, Maria.

8 a. Ave, nato commendaris
Felle poto sic orbaris
Flente Jesu, Maria.

8 b. Ave, constans ac matura
Stas in nona compassum
Passo Jesu, Maria.

9 a. Ave, vox, sol, nox obscura,
Verbum, tellus, petra dura,
Tuba, mors sunt signa plura
Necis Jesu, Maria.

9 b. Ave, de te trux natura
Tempus nacta partus jura
Jam extorquet cum usura,
Poenas Jesu, Maria.

10 a. Ave, Joseph dum precatur,
Hora vespertina datur
Corpus Jesu, Maria.

10 b. Ave, sanum sublevatur

Sacrum os, ut lex testatur,
Agni Jesu, Maria.

11a. Ave, latus lanceatur,

Manat sanguis et curatur
Mundi morbus, quo gravatur
Dulcis Jesus, Maria.

11b. Ave, sera vi honoris

Condit corpus redemptoris
Magdalena, fert amoris
Munus Jesu, Maria.

12 a. Ave, stella matutina,
Porta fracta tartarina,
Surgit scandens lux divina
Coelo mittens vespertina
Dona Jesus, Maria.

12 b. Ave, jubar aulae diae,
Sociata nunc Messiae
Trinae fulgens Jerarchiae
Nos inscribas irae die
Libro Jesu, Maria.