100. De Gaudiis BMV.

la. Gaude, mater, stirps electa,
Originali non infecta,
Sed expers omni vitio;

1b. Gaude, virgo parens Christi,
Quae per aurem concepisti
Gabrielis nuntio.

2 a. Gaude, quia Deo plena
Peperisti sine poena
Cum pudoris lilio;

2 b. Gaude quod nunc stella luxit,
Keges ad te dum perduxit
Oblaturos filio.

3 a. Gaude, quia tui nati,

Quem dolebas. mortem pati
Fulget resurrectio ;

3b. Gaude, Christo ascendente
Dum in coelum te vidente
Motu fertur proprio.

4 a. Gaude, cujus natus misit
Sanctum pneuma, ut promisit,
Suis in palatio;

4b. Gaude, quaepost ipsum scandis
Et est tibi honor grandis
In coelesti solio.

5 a. Ubi fructus ventris tui
Per te nobis detur fini
In perenni gaudio;

5 b. Gaude, te laus colit dives
Super omnes coeli cives
Singulari merito.

6 a. Gaude, decor lucis, polum
Ornas ut diem et solum
Sol illustrat radio:

6 b. Gaude, tibi coeli coetos
Paret ut reginae laetus
Te colens obsequio.

7 a. Gaude, quod vis Deo placet,
Apud Jesum tibi jacet
Frequens exauditio:

7 b. Gaude, Deus te colentes
Hic et in futuro mentes
Digno ditat praemio.

8 a. Gaude, quae approxiniaris
Trinitati, trabearis
Claro carnis pallio:

8 b. Gaude semper gavisura,
His in coelis fruitura
Omni procul termino.

9 a. Dominatrix supernorum,
Placa regem creatorum,
Ut tuo suffragio

9 b. Ejus apud trinitatem
Contemplemur unitatem
In perenni gaudio.