103. In Assumptione BMV.

la. Virgo benignissima,
Mater integerrima,
Regale triclinium,

1b. Ex partu castissima,
Quo plus replet intima
Coeleste mysterium.

2 a. O felix puerpera,
Quae legentem sidera
Mundo paris filium;

2 b. O beata viscera,
Plena coelo ubera,

Quae rex sugit omnium.

3 a. O stella praefulgida,
Supra lunam lucida,
Solis vincens radium:

3 b. O columna solida,
Virgo Jesse florida,

Fractum dans et gaudium.

4 a. O domus eburnea,
Granum sine palea,
O decus coelestium ;

4b. O Engaddi vinea,
O vitta coccinea,
O vita mortalium.

5 a. Da nobis propitia
In coelesti patria
Salutem et gaudium;

5 b. Tibi laus et gratia,
Sit et Christo gloria,
Decus et imperium.