104. In Assumptione BMV.

1a. In eoelesti hierarchia
Jubilus cum symphonia
Festi dat indicia,

1b. Quo Mariae super caelos
Ascendenti canit melos
Coelorum militia.

2 a. Hic est dies festus ille,
In quo laudes modis mille
Psallunt mille millia,

2 b. Cum te, virgo, Dei mater,
Sic salutat Deus pater:
Felix ave filia.

3 a. In amplexus tui nati,
Sponsi tibi praeoptati
Yeni, regni praeparati
Fruere deliciis,

3 b. Diadema susceptura,
Pacis sceptrum gestatura.
Vitae regnum possessura
Es pro beneficiis.

4 a. Tibi datur impetrare,
Pro quocunque vis orare,
Esther o egregia.

4b. Yirgam regis osculare,
Gaude semper et laetare
In Assueri regia.

5 a. Sponsi vultum contemplare,
Contemplando jucundare,
Jucundando innovare
Donis sancti spiritus.

5 b. Mensae regis sociare,
Convivando satiare
His, quae tuus praeparare
Sanxit unigenitus.

6a. Ante thronum majestatis,
Ubi locus voluptatis
Et laetorum canticorum,
Modulare cantica.

6 b. Incentivum gaudiorum
Turbis confer electorum,
Praedux antecedens chorum
In choreis virginum.

7 a. His nos festis interesse
Ora, stemma clarum Jesse,
Prout nosti purius,

7 b. Ne nos hujus vitae triste
Turbet, laetos tecum. Christe,
Perducas securius.