106. In festo Mariae Nivis.

la. O nive candidior,
Sole pretiosior,
Mundi lux amoena,

1b. Cunctis stirpe clarior
Proleque fecundior,
Virgo Deo plena.

2 a. Tu nix, contra vitium
Praestans refrigerium
Vi tui splendoris,

2b. Stilla laborantium,
Stillans Dei filium,
Abyssum dulcoris.

8 a. Tu nix missa coelitus
Liquefacta penitus
A solis calore,

3 b. Quando pius genitus
Morti fuit traditus
Prae zeli fervore.

4 a. Tu nix in vaporibus
Radiis solaribus
Sursum elevata,

ib. Nam a Christi manibus
Secum in coelestibus
Nunc es coronata.

5 a. O virgo, quam nobilem
Probat et mirabilem
Nix cadens sub cane,

5 b. Fac hanc turbam flebilem,

Tibi commendabilem,

Virgo, frui pane.