107. De beata Maria V.

la. Rosae pulchritudini
Virgo mater Domini
Comparata legitur,

1b. Sicut rosa floribus,
Sic cunctis virginibus
Maria praeponitur.

2 a. Rosa profert folia
Rubore vernantia
Per virtutem radii,

2 b. Sic Mariae viscera

Rubent propter vulnera
Patientis filii.

3 a. Quaedam sunt et lilio
Matri sub mysterio
Dei congruentia,

3 b. Decens color niveus
Atque decor aureus,
Folia virentia.

4 a. Candore munditia.
Decore prudentia
Figuratur aureo.

4b. Frondosa viriditas
Mira est integritas
In corde virgineo.

5 a. Virgo venerabilis,
Flos immarcessibilis
Carnis per munditiam,

5 b. Fac nos esse candidos

Et per aurum fulgidos.

Virides per gratiam.