108. De beata Maria V.

la. Sicut pratum pieturatur
Et ver veris floribus,

1b. Mater Dei figuratur
Mysticis nominibus.

2 a. Haec est nostra Sunamitis,
Nostra tympanistria,

2b. Via vitae, vera vitis
Et cella vinaria.

3 a. Haec est sponsa Salomonis,
Fermentatrix femina.

3 b. Qua vetusta Pharaonis
Relevatur sarcina.

4 a. Haec lucerna paradisi.
Ostium et janua,

4b. Haec vervecis est occisi
Genitrix ingenua.

5 a. Haec est scala, qua descendit
Calciata deitas,

5 b. Haec est litus, ad quod tendit
Nostrae molis gravitas.

6a. Haec est mundi medicina.
Mundi purgans lolium,

6 b. Haec est rosa sine spina,
Castitatis lilium.

7 a. Haec est turris, quam vallavit
Incorrupta firmitas,

7 b. Haec castellum, quod intravit
Sola verbi veritas.

8a. Haec est scirpea fiscella
Parvulum excipiens.

8 b. Haec est parens et puella
Sine patre pariens.

9. Oret natum maris stella,
Ut sit nobis patiens.