110 ALEXANDRINA

circa ad eliminandam praescriptionem deberet adversa pars probare illam fuisse interruptam, aut sin minus a decennio defecisse, quod impossibile proclamat. Ceterum pergit, si iuxta doctores, confines probantur per exercitium iurisdictio- nis, ut videre est apud Mascardum De prob, conci. 403, n. 2. si confinia probantur per litteras Episcopi vel alterius iudicis ordinarii loc. cit. n. 14; a fortiori standum est in casu iudicio Ordinarii, qui iudicialiter inquisivit super paci- fica possessione iurisdictionis paroecialis S. Ioannis annorum sexaginta et ultra, ab ipsa adversa parte admissa et reco- gnita.

Post haec adnotat, in Alexandrinae Curiae sententia haec verba observat u digna reperiri : parochum S. Ioannis in iu- risdictionis exercitio super controverso territorio perseverare debere, « fino a tanto che gli attori od alcuno di essi ab- biano giuridicamente ed in modo certo dimostrato il loro po- ziore diritto etc. » Porro his verbis, ait, minime quaestionem definitam fuisse, sed iudicem manere in eadem controversia, donec eam totaliter definiat ac terminet per sententiam de- finitivam, ceu eruitur ex L. 14 de ff. de re iudicata. Ve- rum prosequitur a sententia quae non est definitiva, non datur appellatio nisi in casibus a Concilio Tridentino prae- scriptis Sess. 24 de Me form. cap. 20. - Ibi - « Neque ap- pellationes ab eisdem (Ordinariis) interpositae per superiores quoscumque recipiantur, nisi a definitiva, vel a definitivae vim habente, et cuius gravamen per appellationem a defini- tiva reparari nequeat. » Unde docet Ferraris notissimus in sua Bibliotheca canonica, in quatuor casibus appellari posse in iudicio: videlicet, primo a sententia definitiva; secundo a sententia vim habente definitivae; tertio a sententia inter- locutoria, vel alio quocumque gravamine, quando gravamen huiusmodi per sententiam definitivam reparari non potest; quarto a sententia interlocutoria, quotiescumque a sententia definitiva appellari non potest. Verb. Appel, art. IV num. 26 et seq. Atqui nullum horum casuum in themate locum ha- bere censet. Scribit enim patronus: non agitur de sententia