113. De beata Maria V.

la. Virgo, sancti spiritus
Illustrata coelitus
Sacrae lucis radio,

1b. Virgo vitam germinans,
Evae luctum terminans,
Mundum replens gaudio.

2 a. Consolatrix optima,
Cum peccatrix anima
Mortis jugo premitur,

2 b. In labore requies,
In aestu temperis
Per te dari creditur.

3 a. Virgo beatissima,
Munda cordis intima
Tibi supplicantium,

3 b. Fac in Christi nomine
Nos repleri lumine
Fugans omne noxium.

4 a. Lava, quod est sordidum,
Riga, quod est aridum,
Sana, quod est saucium ;

4 b. Flecte, quod est rigidum,
Fove, quod est frigidum,
Rege, quod est devium.

5 a. Da nobis fidelibus
In Christo credentibus
Optatum subsidium ;

5 b. Da virtutis meritum.
Per salutis exitum
Da perenne gaudium.