117. De beata Maria V.

la. Templum pudicitiae,
Nova stella maris,

1b. Naufraganti lux viae,
Portus salutaris.

2 a. Per te sol justitiae,
Lapis angularis,

2 b. Nos coaptet gloriae,
In qua gloriaris.

3 a. Roga patrem filia,

Placa mater filium,

3 b. Cum dulci melodia

Tibi vox psallentium

4 a. Per tua subsidia

Dari poscit bravium,

4b. Quod non tollat dulia
Nec demergat vitium.

5 a. Efficaci tua prece

Omni nos emunda faece.

5b. Sic collaudet te vox chori,
Ut coaptet se cor ori.