119. De beata Maria V.

1. Castae matris ante thorum,
Qua Iactetur rex coelorum,
Attollamus gaudia.

2 a. Salve virgo, stirps beata,
Partu crucis instaurata
Rerum sunt primordia.

2b. In salutem praeparata,
Desperatis spes obtata,
Aegris dans remedia.

3 a. Juga legis quos premebant,
Ad te vota suspendebant
Planctus et suspiria.

3 b. In tormentis tibi flebant,
Te lamentis requirebant
Captivorum agmina.

4a. Templum tandem majestatis

Pulsos primae dignitatis

Ducis ad palatia;

4b. Thymiama sanctitatis,
Dans odorem suavitatis
Perfudisti saecula.

5 a. Verbo feta, partu laeta,
Nobis datum profert natum
Genitricum gloria.

5 b. Omni laude digna, gaude,
Stella maris, sol, quem paris
Mundum replet gratia.

6 a. Stella felix, felix ortus,
Cujus ductu vitae portus
Patet pulsis patria;

6 b. Per quam triste perit pactum,
Hostis cadit jus confractum,
Fortis ruunt atria.

7 a. Per te salvi te collaudent,
Per te detur, quod non audent
Preces et mens conscia ;

7 b. Quos reatus causa premit,
Tuo nato, quos redemit,
Offer et concilia.