122. De beata Maria V.

la. Pulsa labe cordium
Reddamus servitium
Tibi. virgo nobilis,

1b. Nam si desit vitium,
Vox erit psallentium
Magis acceptabilis.

2 a. Ad te jure fugimus,
Ex qua panis azymus
Nos reformans prodiit;

2 b. Per Evam amisimus
Vitam sed recepimus,
Unde vita rediit.

3 a. Qui se sentit saucium,
Affectans remedium
Sibi dari gratiae,

3b. Te quaerat non alium,
Quae portasti pretium
Salutis ac veniae.

4 a. Ex te, virgo, genitus
Nostros per te gemitus
Convertit in gaudium,

4b. Ut a nobis penitus
Sit error depositus
Per tui suffragium.

5 a. Mala nostra superet
Vox tua nec oneret
Te clamor precantium,

5 b. Nam ut homo fieret
Ac peccata tolleret
Perperisti filium.

6 a. Funde preces filio,
Nam tua subventio
Peccatores expiat,

6 b. Fac, ut pulso vitio
In coeli palatio

Nos secum suscipiat.