123. De beata Maria V.

la. Virgo mitis, mater pia,
Florens, fraglans o Maria
In coelesti patria ;

1b. Jubar mundi, fons hortorum,
Interventrix peccatorum
In virtutum atria.

2 a. Rosa coeli singularis,
In procellis stella maris,
Dona portum gloriae;

2 b. Grata virga Assueri,

Gratus scyphus Joseph veri.
Reple potu gratiae.

3 a. Ortae spicae Pharaonis
Te refertam septem donis
Designant veraciter ;

3 b. Mater veri Salomonis,
Madens vellus Gedeonis,
Riga mentes jugiter.

4 a. Ardens rubus incombustus,
Ad te currit omnis justus
Illustratus lumine:

4 b. Roga Jesum ex te natura,
In salutem mundo datum,
Ut nos ditet flamine.

5 a. Jucundaris et laetaris
Et cum sanctis gloriaris
Plena Dei gratia;

5 b. Ave sponsa O beata,
Super choros exaltata
Angelorum domina.

6 a. Esto nostra advocata
Caritate tota lata
Stellato palatio,

6 b. Sursum ducas, O Maria,
Nos ad Christum, qui est via,
Vita sine spatio.