124.

De beata Maria V.

1 a. Mater sancta, mater Dei,
Tibi laudes servi rei
Vere diene solvimus:

1b. Audi, vide preces, vota,
Tibi voce, mente tota
Vere digne canimus.

2 a. Per te namque pignus illud
Gratiae, pacis, salutis
Credentes accepimus,

2 b. Quod promissum desperatis
Per te missum liberatis
Ore, corde sumimus.

3 a. Hoc in Eden vitae ligno,
Hoc in arcu Noe signo,
Hoc in virga Aaron,

3 b. Hoc agno redemptionis,
Hoc in cornu unctionis
Signat tetragrammaton.

4 a. Quod ructatum corde patris,
Caro factum ventre matris,
Verbum in principio

4b. Tenet scriptum fides clara,
Testamentum, pacis ara,
Crucis in novissimo.

5 a. Ergo, mater, pactum pacis
Serva salvum filiis
Tanto pretio redemptis:

5 b. Ecce manna, ecce calix
Tibi gloria, salus nobis
Tanto pretio redemptis.