125. De beata Maria V.

la. Mariae virginitas.
Fides et humilitas

Nobis sint in speculum

1b. Cujus summa sanctitas
Velut solis claritas
Illuminat saeculum.

2 a. Cujus mentis puritas
Votique primaevitas
Exemplant diluculum,

2b. Pudoris integritas
Partusque nobilitas
Cristalli umbraculum.

3 a. Cujus viget firmitas
Nec perit frigiditas,
Cum parit igniculum:

3 b. Ita parit castitas

Nec frangit, fecunditas
Pudoris signaculum.

4a. O fidei dignitas,
Cujus sorbet veritas
Erroris crepuscalum,

4 b. Cujus non adversitas,
Crux aut mortis feritas
Obscurant carbunculum.

5 a. O felix humilitas,

Ad quam flectit trinitas
Pietatis oculum,

5 b. Cujus tenens semitas
Matris hausit caritas
Deitatis osculum.

6 a. O virtutis entitas.
Gratiae totalitas,

Moram perpendiculum,

6 b. O virtutum civitas,
In qua sibi deitas
Fecit habitaculum.

7. Nos ad vitae ferculum
Post mortis articulum
Tua ducat pietas.