126. De beata Maria V.

1. Laus tibi, virgo Maria,
Mater salvatoris
Atque redemptoris

2a. Coeli, terrae,
Maris, angelorum
Et hominum:

2 b. Tibi ferre

Laudes dignas doce
Nos carminum.

3 a. Sicca stirps Jesse
Dans florem
Te sanctam innuit

3 b. Virginis esse
Decorem
Quae Christum genuit.

4a. Te Gedeonis
Velleris donum
De caelo
Inipregnari et docuit.

4 b. Dat Salomonis

Te Christus thronum,

Dum velo

Tuae carnis se induit.

5 a. Sic virgo parturis,
Ut in flamma Moysi
Rubus stans viruit.

5 b. Tua vox turturis,
Quae in aure Domini
Dulcis insonuit.

6 a. Vernans ut lilium
Convallium
Lactando filium
Non alium
Mamilla
Rorante

Nectar coeleste
Et coelorum Dominum.

6 b. Verum consilium
Magnalium
Fit in auxilium
Mortalium,
Sibilla
Testante
Carnis in veste
Venit judex hominum.

7 a. Tu fons signatus
Es, Dei mater,
Immunis ad nubila.

7 b. Qui de te natus.
Est tibi pater,
Tu virgo filia.

8 a, Cordis dulcedo

Quae tibi potest crescere
De tali commercio !

8 b. Constanter credo,

Quod sanctos omnespraemines
Tam sancto mysterio.

9 a. Hinc Salomon clariorem
Te stellis
Et sole praedicat,

9 b Dum tu stella paris solem,
Dum solis
Te splendor amictat.

10 a. Tu nubes

Manna pluens
Christum sequentium
Per baptismi fluctus
Ad cohortis
Angelicae gaudium.

10 b. Tu rupes
Melle fluens
Terrae viventium,
Ventris tui fructus
Dum fit mortis
Medela credentium.

11a. Ezechielis

Porta jugiter serrata
Tu mater es castissima.

11b. Vox Gabrielis

Portans coelica mandata
Confirmat haec verissima.

12. Regina mandi, Maria,
Excusa peccatorum
Nostrorum
Distermina
Et da coetorum gaudia.