127. De beata Maria V.

1 a. Ave, virga, virgo Jesse,
Tui pia fac nos esse
Consortes incendii:

1b. Ave, virgo, virga throni,
Dans de petra Gedeoni
Flammam sacrificii.

2 a. Ave, virga summi ducis,
Aquam de petra producis
Sitienti populo ;

2 b. Ave, virga tollens luctum,
Florem profers atque fructum
Clauso ventris vasculo.

3 a. Virga vigil, natum Deum
Vigilantem contra reum
Praevenire crederis ;

3 b. Virga praeter quam ferendum
Nil in via, nil quaerendum,
Nam ta cuncta suggeris.

4 a. Ave, virga, quae procedis
In conspectu summi sedis
Ut fumus aromatum ;

4b. Virgo, virga tam fecunda,
Ubertate nos fecunda
Tantorum charismatum.