129. De lieata Maria V.

la. Ave, stella parens solis,
Ave, virgo fructu prolis
Fecundata coelitus,

1b. Rosa vernans, stirps electa,
Terra ferox et humecta
Rore sancti spiritus.

2 a. Notus Deus in Judaea,
Homo natus est in ea,
Spes communis omnium:

2 b. Vervex nobis ille datur.
Qui pro Isaac mactatur
Dulce sacrificium.

3 a. Sine succo, sine rore

Viret virga dans cum flore
Novae fructum gratiae,

3 b. Dulcem nucem, veram lucem,
Pium regem, rectum ducem
Ad quietem patriae.

4 a. Fracta fuit legis vena,
Jam aperta, jam serena
Signa fiunt vetera:

4b. Noctem fugat lux amoena
Per lucernam in lagena,
Jonae niarcet hedera.

5 a. Jam aufertur sceptrum Juda,
Synagoga sedet nuda
Scisso legis tegmine,

5 b. Tange lyram, sona laudes.
Tu, qui Christum natum gaudes
Ex Maria virgine.

6 a. Umbra sumus faexque fimus,
Pressi malis jam perimus,
O Maria, nisi simus
Tuis tuti precibus:

6 b. Mater vera regis veri,
Potes, si vis, nos tueri;
Praesta nobis promereri
Locum in coelestibus.