132. De beata Maria V.

la. Ave, stella marium,
Maria, spes tristium,
Specula consilii,

1b. Organum laetitiae,
Lucerna miseriae,
Conclave subsidii.

2 a. Orbis sustentaculum,
Coeleste spectaculum,
Gratiarum legio,

2 b. Ut matris et virginis,
Sic Dei et hominis
In te nupsit unio.

3 a. Amor vincens omnia,
Tua flexum gratia
Dei vicit filium

3 b. Verbum carnem faciens
Et vitam trajiciens
Ad usus mortalium.

4 a. Tam alta, tam humilis,
Ad texendum habilis
Tanti pacti fibulam;

4b. Terrae ligas aethera,
Sursum trahis infera
Per mirandam copulam.

5 a. Trahe nos, o domina,
Non tam per certamina
Quam gratis ad bravium,

5 b. Et quem pro memoria
Tenes inter brachia,
Dona nobis filium.