133. De beata Maria V.

la Ave, regina coetorum,
Mater regis angelorum,
Ave, spes credentium:

lb. Ave, gemma lucens morum,
Ave, decus orthodoxorum,
Ave, candens lilium.

2 a. In salutem mundo daris,
Regum ramis procreans,
Patrum mores imitaris,
Abrahae fidem sectaris.

2 b. Sic devotio Josiae

Et cor tectum Ezechiae
Salomonisque sophia
In te praefulget, Maria.

3 a. Dum angelus te salutat,
Jus in te natura mutat,
Concipis ordine miro
Non commixta viro.

3 b. Terris pax donatur,
Vetus culpa relaxatur,
Adae pro comesto pomo
Dum Deus fit homo.

4 a. Audi, vide, senti miram,
Haec, quae nunquam novit

virum,
Nato Deo stat onerata
Virginitate conservata.

4 b. Natum fetum fert ad templum
Matrum nostrorum ad exem-
plum,
Videt senex, quod praestolatur,
In pace dimitti precatur.

5 a. O stella maris,

Vagientem Christum consolaris,
Patienti contristaris,
Resurgenti conlaetaris,
Ascendentem contemplaris.

5 b. Non habens aequalem
Vitam finis temporalem,
Portam subis aeternalem,
Thronum scandis specialem,
Es regina Hierusalem.

6. Ergo nostri memorare,
Natum tuum deprecare,
Ut ad dextris velit nos locare,
Dum coeperit saeclum judicare.