136. De beata Maria V.

la. Ave, mater Domini,
Flos odoris gemini,
Virgo mater unica,

1b. Fons signatus gratiae,
Hortus pudicitiae,
Sera clausa diceris.

2a. Ave, lumen luminum,
Ave, salus hominum,
Paradisi janua,

2 b. Terge sordes sanguinum.
Laxa scelus criminum,
Exoratrix strenua.

3 a. Flecte, mater, filium
Et serpentis impium
Caput, virgo, contere ;

3 b. Da rorem vivificum,
Imbrem posco coelicum,
Da salutem dexterae.

4 a. Desperantes erige,

Fluctuantes dirige,

Stella salutifera,

4b. Sana nostra vulnera,
Purga carnis vitia,
Praesta matris ubera.

5 a. Tui prolem uteri
Nobis monstra, veteri
Depulsa caligine:

5 b. Da videre faciem
Ipsius post speciem
Novo mentis lumine.