138. De beata Maria V.

la. Ave, maris stella,
Verbo Dei cella,
Singulare lilium,

1b. Mater et puella,
Patrem interpella
Pro nobis et filium.

2 a. Sumens illud ave
Gratum et suave
Gabrielis nuntio,

2b. Nos in pace funda
Nosque prece munda
A mundi contagio.

3 a. Solve vincla reis,
Profer lumen eis,
Qui sunt in caligine ;

3b. Mala nostra pelle
Et lapsos evelle
Sordium voragine.

4 a. Monstra te esse matrem
Et exora patrem,
Fons misericordiae,

4b. Ut nostros reatus
Donet ex te natus
Nobis dono gratiae.

5 a. Virgo singularis,

Tu quae prolem paris
Sine viri semine,

5 b. Nos culpis solutos
Mites fac et tutos
Mortis in examine.

6 a. Vitam praesta puram,
Vitam da securam,
Omni plenam gaudio,

6b. Ut Jesum videntes
Simus congaudentes
Coelesti consortio.

7 a. Sit laus Deo patri,
Laus reginae. matri,
Laus sacratae virgini.

7b. Laus sit tibi, nate,
Ut proli beatae,

Laus sit sancto flamini.

8 a. Sit laus trinitati,
Laus sit unitati,

Tribus laus sit sedula,

8 b. Quibus par potestas,
Aequalis majestas
Per aeterna saecula.

9 a. Ad coeli nos pia
Fac prece, Maria.
Scandere palatia,

9 b. Ubi pax et vita
Et laus infinita
Ubi Deus omnia.