140. De beata Maria V.

la. Vas decoris et honoris,
Vas coelestis gratiae,

1 b. Templum nostri redemptoris,
Fomia pudicitiae.

2 a. Miserorum miseratrix
Et lapsorum sublevatrix,
Fons misericordiae,

2 b. Virgo, vitae reparatrix,
Angelorum imperatrix
Et coelestis curiae.

3 a. Virga Jesse generosa,
Super omnes speciosa
Flore, fructu, specie,

3 b. Servos tuos, gloriosa,
Gratos redde, gratiosa,
Christo regi gloriae.

4 a. Ave virgo stella maris,
Mater sapientiae,

4b. Audi, virgo singularis,
Preces nostras hodie.

5 a. Flos Maria castitatis,
Pelle nostrae pravitatis
Onus et tristitiae,

5 b. Plagam nostrae pravitatis
Leva manu pietatis
De lacu miseriae,

6. Et per viam veritatis
Duc ad regna claritatis
In aula justitiae.