144. De beata Maria V.

la. Ave plena

et perplena gratia,
Quam perfudit
sicut vellus pluvia
Immensa gratia.

1b. Unda tota

deitatis labitur,
Et sic verbum

caro factum cernitur
In nostra patria.

2 a. Hinc turbatur

carnis angustia,
Quando sensit
Dei magnalia
Angelo loquente.

2 b. Se portantem

portat virginitas,
Quam portantis
munit immensitas
Virgine stupente.

3 a. Laetetur mater omnium,
Eva, cujus opprobrium
Sensit omnis filia.

3 b. Mulier dedit vetitum,

Nunc reddit fructum placitum,
Pro veneno dulcia.

4 a. Quae damnavit,
Jam salvavit,
Quae prostravit,
Sublevavit,

Simplex fit relatio.

4 b. Virgo credit
Et obedit,
Fructum dedit,
Quem commedit,
Angelorum concio.

5 a. Jam in prole gaude, mater.

Cujus natus suus pater

Et creator omnium,

5 b. Immo ambo jam parentes

In Maria sunt gaudentes,

Quae dat talem filium.

6a. Cujus sanguis

salutare pretium,
Cujus caro

nutrimentum mentium
Et mors vena veniae.

6 b. Ipsi per te

rapiamur obviam,
Virgo tecum

intrantes in patriam
Aeternalis gloriae.