155. De sancto Aegidio.

1. Confessor pius
et sacer Aesidius,

2 a. Hodie coronam
vitae consecutus,

2 b. Est jucunditatis
stola indutus.

3 a. Et nunc sempiterno
gaudens in regno,
quo non intrat malignus,

3 b. Deum pro cunctis vivis
atque defunctis
interpellat benignus.

4 a. Sic flos Graeciae
parit ecclesiae
fructum gratiae ;
Spirat odores,
mitigat languores,
dat medelam,
tollit corruptelam.

4 b. Sanat contritos,
solvit compeditos,
rumpit vincula;
Fugat daemones,
liberat homines,
mortes pellit
atque pericula.

5 a. Per tempestates

vehit ad portum rates
atque nautas ovantes.

5 b. Ergo dent vota
cuncti de terra tota
vincti vel aegrotantes.

6 a. O Aegidi,
devotos tibi
nos custodi
atque commenda
Jesu Christo,
quem secutus
regnas cum ipso.

6 b. Votis fave,
meritis fove
supplicantes,
ut te sectantes,
quo prodisti,
prodeamus
ad verum lumen.