156. De sancto Aegidio.

la. Magna dies,

magnum solemnium,

Quo laetatur

turba fidelium,

Celebretur.

1b. Miri viri

mira festivitas,

Cujus mentem

possedit veritas.

Honoretur.

2 a. Gaudens inde

coeli militia

Primo laudet

nostri magnalia

Salvatoris ;

2b. Sequens homo

plenus laetitia

Veneretur

tanti tripudia

Confessoris.

3 a. Sciat reus

et credat firmiter,

Quod, qui sanctum

rogat hunc dulciter,

Non peribit,

3 b. Sed adjutus

ejus suffragio,

Quo beatis

paratur mansio,

Laetus ibit.

4 a. Hoc probatur

per scelus regium,

Quod potentem

probat Aegidium

Esse satis.

4b. Rex peccati

ligatus vinculo

Liberatur

magnae miraculo

Dignitatis.

5 a. Culpae nodus

erat difficilis,

Quem post missam

sacerdos nobilis

Ita solvit.

5 b. Regem vocat,

facinus indicat.

Confitentem

lacrimis applicat

Et absolvit.

6 a. Hoc utique

facere poterat,

Sicut ei

coelitus scripserat,

Rex coelorum.

6 b. Scripsit ei,

quod ejus precibus

Se precantes

mundaret sordibus

Peccatorum.

7 a. Nos, qui scripti

tenorem legimus,

Non ad tempus

hoc datum credimus

Sed in aevum

7 b. Ergo, pie

confessor, petimus,

Ut a nobis

repellas longius

Hostem saevum.

8 a. Vir Aegidi, te respexit,

Ut sentimus, et dilexit

Dominus a puero,

8 b. Deus erat, cum dedisti

Timens adhuc vim magistri

Vestimentum misero.

9 a. Procurator egenorum,

Serve Dei, causa quorum

Vendis patrimonium,

9 b. Honor eras largitatis,

Sub praecepto caritatis

Sequens evangelium.

10 a. Viru laesos, febre pressos

Dum curares et obsessos

A daemone pessimo,

10b. Ostendebas te benignum,

Laude multa fore dignum

Et honore maximo.

11a. Tu defuncti suscitator,

Sis defensor et amator

Tibi famulantium,

11b. Vitae redde nos languentes,

Pro peccatis promerentes

Inferni supplicium.

12 a. Vir regalis

vivens regaliter,

Qui regali

stirpe veraciter

Es creatas,

12 b. Regem regum

roga suppliciter,

Ut sit servus

tuus feliciter

Laureatus.