157. De sancto Aegidio.

la. Solitudo spontanea,
multum es optabilis

1b. Ad maculas abstergendas
contribulati cordis.

2 a. Nocte nubis es columna,
in die splendor ignis,

2 b Custodia tutissima
ab hostibus iniquis.

3 a. Turba turbat et polluit,
sed tu manes secura,

3b. Via vitae, porta coeli
et gratiae semita.

4 a. Scala gloriae,
lex justitiae,
victorum palma,

4b. Aegidi sancte,
lux disciplinae,
eremicola.

5 a. Grande vulnus excepisti
ictu sagittatoris,

5 b. Inter vepres cum lateres,
et hoc laetus pateris.

6 a. Dolores sanas,
naufragos servas,
regi succurris,

6 b. Infirmis opem,
cervae salutem
cito largiris.

7 a. Veniam posce,
tristia pelle,
gaudia praesta,

7 b. Simus in arce
cum Christo rege
in veste clara.