158. De sancto Aegidio.

la. Veni, sancte spiritus,
Per quem abbas inclitus
Floruit Aegidius,

1b. Qui dilectus omnibus
Signis et virtutibus
Sole fulsit clarius.

2 a. Sicut Christus docuit,
Egenis distribuit
Large patrimonia,

2 b. Cerva solitarium
Aluit Aegidium
Dei providentia.

3 a. Ut virtutum speculum
Caroli piaculum
Prece pia doluit,

3 b. Imperavit fluctibus,
Morbis et daemonibus,
Deo quia placuit.

4 a. Hic amicus Domini
Nulli clausit homini
Pietatis viscera,

4 b. Unde sancti limina
Flagitans solamina
Petit plebs innumera.

5 a. O vir ineffabilis,

Flos Graecorum nobilis
Et decus Provinciae,

5 b. Suscitator mortui,

Fac nos tecum perfrui
Vultu regis gloriae.