162. De sancta Aldegunde.

la. Aldegundis sub honore
Celebremus pio more
Virginis solemnia,

1b. Quae virtutum pollens flore
Christo vixit in amore
Nunc ovat in gloria.

2 a. Haec miserta miserorum

Medicinam dat dolorum.

Cujusvis sint generis,

2 b. Cordaque desolatorum
Ducit ad salutis thorum
Dans solamen miseris.

3 a. Calculosos a languore
Raptosque coel esti rore
Mundant preces virginis,

3 b. Febrium punctos algore
Purgat ejus et calore
Virtus sancti numinis.

4 a. Rabie qui sunt oppressi
Vel caduco morbo fessi,
Mundantur celeriter,

4b. Qui moeroremve perpessi,
Gaudiorum dantur messi
Ejus prece pariter.

5 a. Igne sacro cruciati,
Phos exstincti, liberati
Resurgunt salubriter

5 b. Aldegundi chorda dati,
Omnes ergo desolati
Hanc implorent jugiter.

6 a. Horum signa sunt aperta
Et a pluribus experta
Virginis protectio,

6b. Quo procuret, ut inserta
Flore castitatis serta
Feramus in gaudio.

7 a. Catervatim jucundemur
Et psallentes corde demur
Virginis obsequio,

7 b. Ut in terris confortemur
Et in coelis coronemur
Ipsius auxilio.