164. De sancto Alexandro.

1. Festi diem
cuncti rite
venerantur populi,

2 a. Quem fore felicem
sancta fecit Felicitas

2 b. Pignorum septeno
martyrizata numero.

3 a. Nam septeni praemissis
octava
fit cruciata filiis,

3b. Maternos perpessos
dolores
singulorum martyrio.

4 a. Primus Januarius
plumbatis
plagatus obiit,

4 b. Felix atrocissimis
cum Philippo
mactatur fustibus.

5 a. Silvanus

per praecipitium

occubuit,

Alexander

cum Vitale, simul addito

Martiale, decollata sunt.

5 b. Constanter

illorum genitrix

sanctissima,

Tot dolores

passa animo, novissima,

corporaliter occiditur.

6 a. Ex his Alexandrium,
florem nitidum
gemmamque pretiosissimam,

6b. Dulcem margaritam,
dignis laudibus
tota Germania celebrat.

7 a. Divina

quem benignitas de Romana

sede nostrae salvationis

transmiserat

his Alamannicis partibus.

7 b. Hic multis

fulgens miraculorum signis

salutifera solet clarus

solamina

suis ostendere civibus.

8 a. O decus, o nostra salus,
o martyrum
tu venustissime floscule,

8 b. Cum fratribus et cum matre
implorato
perennem beatitudinem.

9. Qui tibi servimus in terris,
tuis precibus in coelis
tu sis fautor nobis.