165. In Ordinatione s. Amandi.

la. Amande, pastor bone,
Coenobium Elnonae
Pia devotione
Tu fundasti.

1b. Puerum a daemono,
Insulam a dracone
Crucis impressione
Liberasti.

2 a. Veniens in Gallias
Verbum Dei nuntias,
Gentis pravae furias
Sustulisti.

2 b. Per diversas patrias
Visitans provincias,
Ut has lucrifacias,
Perivisti.

3 a. Nihil tibi proprium.
In Christi servitium,
Ut aeternum gaudium
Obtineres.

3b. Nam tuum solatium
Cinis et cilicium,
Hordei edulium,
Quo viveres.

4 a. Furem prece suscitas,
Caecis datur claritas,
Dum tua benignitas
Imploratur.

4 b. In lavacro puritas
Nato regis novitas
Fando tua sanctitas
Declaratur.

5 a. O pater amabilis,
Corruscans miraculis,
Munda nos a maculis
Sine mora.

5 b. Sis nobis placabilis,
Ne Satanae vinculis
Subdamur seu jaculis
Mortis hora.