166. In Restitutione s. Amandi.

la. Festa lucis hodiemae
Celebrantur in supernae
Deitatis curia,

1b. Attolamus venerandi
Ob festa patris Amandi
Laudes et praeconia.

2 a. Hic illustrem linquens ortum
Intrat mare, petit portum,
Fit Christi coenobita;

2 b. Omnem puer monachorum
Normam servat, a sanctorum
Non deviat semita.

3 a. Signa signantur virtutum,
Multus viror, iter tutum
Per eum consequitur;

3 b. Deo atque mundo carus,
Trajectensi sede clarus
Invitus efficitur,

4 a. Unde fana jam deponit,
Monachorum ibi ponit
Sacra contubernia ;

4b. Elnonensis, quae supultum
Corpus habet ibi cultum,
Laetetur ecclesia.

5 a. Sancte pater, viam vitae
Elnonensis coenobitae
Ora, sequi valeant,

5 b. Ut consortes cum pastore
Oves Deo largitore
In coelis congaudeant.