169. De sancta Anna.

1. Exsultent in hac die
cuncti famulantes Domino.

2 a. Hodie coelorum

Anna secretum petiit,

2 b. Virginem quae sine
originali macula

3 a. Joachim ex viro
concepit,
quae coeli regem peperit,

3 b. Semper virgo manens
post partum,
inviolata genitrix.

4 a. Nunc celebrem angelis
aviam
Christi sanctam credimus,

4b. Quae vitam angelicam
in carne
vivens semper duxerat.

5 a. Nos igitur mortales
miserique homines,
qui domino coeli
graviter peccavimus
culpaeque veniam quaerimus,

5 b, Suffragium ejus
flagitemus aviae,
quae meritis suis
omnibus et precibus
invocata clementer adest.

6 a. Nam culpas et morbos
mentis et carnis
simul suaviter medicat,

6 b. Quae potens in coelo
super angelos
una cum filia residet.

7 a. Te, mater Anna,
laudamus exsultantes
tuaque festa celebrantes
in hac die,
qua coeli scandis ad gloriam.

7 b. Te votis piis

colimus animorum,

regem tu nobis angelorum

propitium

tuis precibus efficias.

8 a. Te nepos ipse precantem
ut aviam
suam ex-
audire creditur.

8 b. Tibi pro nobis oranti
nihil negat,
tuis cuncta subjiciens
meritis vulnera.

9. Tu ergo nostri memor
mater esse digneris
jugiter orans pro nobis.